തണുപ്പ് കൂട്ടില്
തനിച്ചിരിക്കുന്ന പെണ്പക്ഷി
അവള്ക്കു കൂട്ടായി
സ്വപ്നം നെയ്തുണ്ടാക്കിയ
ഉത്തരീയവുമായി
ചക്രവാളത്തെ കീറിമുറിച്ചു
പറന്ന ണയാന്
എവിടെയോ ഒരാണ്പക്ഷി
'എവിടെ നീ '?
വിറയാര്ന്ന ശബ്ദത്തില്
പതിയെ ചിലയ്ക്കുന്ന
പെണ്പക്ഷിയെ
കനംവെയ്ക്കുന്ന തണുപ്പ്
കളിയാക്കി .
തണുത്തുറഞ്ഞു പോയ തന്റെ
രക്ത പ്രവാഹത്തെ
ചിറകിനടിയിലെ ചൂടേകി
പതിയെ, പതിയെ അവന്
ഉണര്ത്തുമെന്ന്
അവള്ക്കുറപ്പായിരുന്നു .
പ്രണയം കൊണ്ടു കണ്ണെഴുതി
സ്വപ്നം കൊണ്ടു കുറിവരച്ചു
അവള് കാത്തിരുന്നു.
കരുത്താര്ന്ന ചിറകുകള്
ആയത്തില് വീശി
അവന് പറന്നു കൊണ്ടേയിരുന്നു.
ഏഴ് കടലും ഏഴ് വന്കരയും കടന്നു
കാടും മേടും ,കുന്നും കുഴിയും , കടന്നു
സ്വപ്നങ്ങള് കൊണ്ടു തീര്ത്ത ഉത്തരീയം
മഞ്ഞും , മഴയും, വെയിലുമേറ്റ്
നിറം മങ്ങുന്നത്
വേദനയോടെ അവനറിഞ്ഞു.
അവസാനിക്കാത്ത ആകാശപ്പരപ്പ്
അവന്റെ മുന്നിലെ വെല്ലുവിളി.
'തീരാത്തതെന്തേ?'
അവന്റെ ചോദ്യത്തെ
ആകാശ ദൂരം അവഗണിച്ചു.
വെല്ലുവിളികള് ക്കൊപ്പം
ദൂരങ്ങളും അവസാനിക്കില്ലെന്ന റിഞ്ഞിട്ടും
അവന് പറന്നു കൊണ്ടേയിരുന്നു.
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ