പക്ഷിയോട്

 നിനക്ക് വേണ്ടി  ഒരുക്കാം
ഞാൻ
എപ്പഴും  തുറന്നിരിക്കുന്ന
ഒറ്റവാതി ലുള്ളോരു കൂട് .

ആകാശ ദൂരങ്ങൾ താണ്ടി
ഉയരങ്ങൾ  സ്വന്തമാകേണ്ട
നിന്റെ  ചിറകുകളിൽ
എന്റെ  സ്വപ്നത്തിന്റെ
കടുംനിറങ്ങൾ ചാലിച്ചൊഴിച്ച് 
വികൃതമാക്കാതിരിക്കാം .

എന്നോട് തന്നെ കലഹിച്ച് ,
അതിരുകളിലാത്ത ആകാശം
സ്വയം  മറന്ന്  പറക്കാൻ
നിനക്ക്  സ്വന്തമായ്  തരാം ..

പക്ഷീ ,
ദേശാടനങ്ങൾ ക്കൊടുവിൽ,
ചിറക്  കുഴഞ്ഞ്  തിരികെയെത്തുന്ന
നിന്നെയും  കാത്ത്
തനിച്ചിരിക്കാമിവിടെ
ഞാനും , എന്റെയീ 
ഒറ്റവാതിലുള്ള  കൂടും ...................