പ്രസവ വേദനയുടെ അര്ദ്ധബോധാവസ്ഥ -
ക്കിടയിലെപ്പോഴോ കേട്ട
ഒരു കുഞ്ഞി കരച്ചില് ,
പെട്ടെന്ന് നിലച്ച സുനാമിപോലെ
അവസാനിച്ച വേദനയുടെ
ആശ്വാസം ,
തുലാവര്ഷത്തിലെ
മദരാത്രികളില്, പ്രിയന്
പകര്ന്നുതന്ന സ്നേഹചൂട്,
തൂവെള്ള ഫ്ലാനലില്
പൊതിഞ്ഞു കിട്ടിയ
കുട്ടിദൈവം ,
ചുരക്കുന്ന മാറിടത്തിലമര്ന്ന
ഒരു കുഞ്ഞി ചുണ്ടിന്റെ
സ്നേഹത്തനുപ്പ് ,
കാരണമറിയാത്ത
കരച്ചിലുകളുടെ
ആവലാതിപെയ്ത്ത്,
മുളപൊട്ടുന്ന കുഞ്ഞിപ്പല്ലുകളുടെ
തരിപ്പുതീര്ത്ത ഒരായിരം
പാല്കടികള്,
ഉറക്കം മറന്ന രാത്രികള്ക്കൊടുവില്
അകന്നുപോയ പനിചൂടുകള് ,
പിച്ച നടപ്പിന്റെ
ഇടര്ച്ചകളില്
ഉള്ളിലൂറിയ എണ്ണമില്ലാത്ത
ആളലുകള്,
നേഴ്സറി സ്കൂളിന്റെ
വാതില് കാഴ്ചയില്
അമ്മാനെഞ്ചിലമരുന്ന
അടര്ത്താനാവാത്ത
പിടിമുറുക്കങ്ങള്,
വാശി കരച്ചിലുകള്
സാവധാനം
കൊച്ചു ദെഷ്യങ്ങളിലേക്ക്
വളരുമ്പോള്
തോറ്റു പോകുന്ന
പച്ചീര് ക്കിളുകള്,
അമ്മ ജന്മം തീറെഴുതി
വാര്ത്തെടുത്തോ -
രുരുക്ക് ദേഹം
എന്നിട്ടും , ഒടുവില്
എവിടെയോ അമ്മക്കായി
കാത്തു വെച്ചെക്കാവുന്ന
ഒരു വൃദ്ധസദനം .
